كلمات عطشت لشوفتك بدر بن عبدالمحسن

قصص حب فتى مراهق 

 انا محمد عمري٢٢ سنه طبعا في السن ده كان سن المراهقه كنت باحب اوي اتكلم مع البنات كنت مريض بالبنات كنت باتكلم مع ثلاثه او اربعه من البنات ..

قصة كما تدين تدان

قصص واقعية 

بدات قصتي عندما اشتريت خط جديد لاختي وكنت تجربه كنت بتصل من عليه على اختي من خطها القديم في غلطت في الرقم الاخير ردت عليا واحده غير اختي بتقول :

الو سمعت الصوت جسمي كان بيترعش وقلبي فضل يدق بسرعه وهي تقول: الو مين معي ،رديت عليها واول كلمه قلتها صوتك جميل قوي ،البنت بهدلتني وقفلت الفون، فضلت افكر فيها ايام كثيره ودائما تيجي في بالي وقلت لازم اكلمها اتصلت عليها ردت على واحده ثانيه، قلت لها عاوز اتكلم مع صاحب الفون قالت لي امل، قلت لها اه امل،

 هي فين دلوقت قالت لي هي دلوقت تعبانه قوي و حالتها النفسيه مدمره وفضلت تتكلم معي وحكتلي كل قصتها وحياتها من غير ما تعرف مين انا ،استنيت الليل يجي علشان اكلمها وبعدها رنيت عليها ردت علياوكان صوتها تعبان قوي ت

اكلمت معاها باسلوب خلاها تتكلم معي وعرفتها اني باعرف كل حاجه عنها وفضلت تتكلم معي و فضلنا نتكلم ثلاث ساعات في اليوم ده وبعدها، فضلت اكلمها كل يوم علشان اطمئن عليها واهديها فضل الحال ده لمده شهرين لحد ما اتعلقت بيا وبصراحه انا كمان اتعلقت بيها وحسيت اني حبيتها فرحت قوي وما خفتش منها عندما قررت اني اصارحها علشان باعرف اني هي كمان حبتني.

 اعترفت لها بحبي وهي كمان اعترفت لي بحبها ،كنت ساعتها بموت من فرحتي علشان هي كنت حاسس اني دي  اللي هتغير حياتي وهي اللي هتخليني اني ما كلمش بنات ثاني وبعدها بفتره قليله ذهبت لكي اتقدم لها ذهبت لكي  اقابل اخوها بسبب ان اهلها متوفيين وهي كانت عايشه في مطروح وانا كنت من بني سويف سافرت و اتقدمتلها لاخوها ووافق 

 عليا واتفقنا وحددنا معاد الخطوبه والفرح وبالفعل خطبتها لمده ست اشهر كانوا اجمل ست اشهر في حياتي،في  الست اشهر دول دول عمري  ما كلمت بنت غيرها،علشان بالفعل  هي اللي  غيرتلي حياتي كلها وبعدها في يوم من الايام بارن عليها وجدت التليفون  مغلق كنت بموت من الرعب عليها، ما عرفتش اعمل ايه فضل الحال ده لمده اسبوع فقررت ان اسافر اليها وفي اليوم ده رن الفون من رقم غريب باقول الو وجدت صاحبتها بتقول لي ان امل اليوم حنتها ،

نزل الخبر عليا كالصاعقه ما عرفتش اتكلم ولا اعمل ايه، اخذت اول قطار وسافرت لها اوصلت هناك و خربت الدنيا وجابوا لي الشرطه وبعدها اختها حكت لي انها اتجبرت ان تتزوج ابن عمها بسبب ظروف عائليه، ما عرفتش اعمل ايه بجد هي اللي غيرت لي حياتي كلها كنت بعشقها ومن ساعتها حياتي كلها تغيرت 180 درجه

 كنت بشرب واسهر مع البنات، وفضلت حياتي كل يوم من بنت لاخرى وفضل الحال ده لسنوات لحد ما شفت بنت ماشيه في الشارع كانت جميله جدا فحاولت ان اعكسها البنت دي  بهدلتني اوي وجبتلي الشرطه.  قلت لازم اتجوز البنت دي و مش هتجوز غيرها ،

 اكيد  هتكون غير اي بنت ثاني حاولت بكل الطرق لكي اتواصل معها ،  لحد ما عرفت رقم الفون بتاعها وكلمتها على الواتس رفضت برضو  انها تكلمني حاولت بكل الطرق لكي اتواصل معها بالارقام الغريبه لحد ما استجابت لي و عجبني اوي اسلوبها  معي، 

فكان في بالي اني البنت دي هي اللي هتغير حياتي  وهي اللي هتخليني حياتي افضل،  اختبرتها كثير قوي بصراحه نجحت في كل اختباراتي لها تعلقت بها و تقدمت لها و عملنا خطوبه  وفضلت الخطوبه سنتين وفي الايام دي كنت بتكلم  معها واراقب اسلوبها وبصراحه كنت خائف قوي من كلمه كما تدين تدان سبب كثره البنات اللي كنت كنت اتكلم معهم بالايام والشهور 

مش كلام وبس كان يحصل بيننا حاجات كثير وعلاقات كاننا متزوجين. علشان كده كنت خائف اني اتجوز واحده لها علاقات سابقه فضلت سنتين وانا براقبها في سلوكها وتصرفاتها والفيس والواتس وكل حاجه خاصه بالسوشيال ميديا وبعدها بفتره حددت ميعاد الفرح كونت فرحان قوي علشان وجبت بنت بنت بالاسلوب ده والتصرفات دي

 ومع ذلك  في فتره الخطوبه بتاعتنا متغيرتش كنت برضو بتكلم مع البنات،بصراحه معرفتش إني اتغير، بس كنت حاطط فكرت إني هجوز وتغير، وبعد فتره عملت الفرح كنت ساعتها خايف اوي بس مش عارف لي  ، 

ويوم الفرح   اتصدمت صدمه عمري وافتكرت بعدها كلمه كما تدين تدان،اللي كنت بسمعها ديما من اصحابي علشان يبعدوني عن البنات ، وفضلت البنت تحكي لي عن قصه حبها وكل حاجه خاصه بيها  كن مصدوم قوي بصراحه ما عرفتش اقول ايه، ولا اعمل ايه،

 فضلت ساكت وانا تذكر علاقاتي مع البنات ، فضلت على الحال ده اسبوعين او اكثر وبعدها في يوم حلمت برجل جاء لي ويقول لى توب الى الله واستغفره انه هو الرحيم انه هو الغفار ، 

ذنوبك كثيره قوي ،هتقابل ربنا ازاي بذنوبك دي ، وبعدهاصحيت مفزوع اول حاجه عملتها مش عارف ازاى بس اني اتوضيت وصليت ودعيت كثير وفضلت ابكي كتير .

 فضلت على الحال ده وانا خائف ل ايام وشهور لحد ما لقيت امراتي بتعمل مثلي، وبعدها بفتره سامحتها وتعلمنا حاجات كثير في الدين حافظنا على صلواتنا وورنا القراني والحمد لله على كل شيء و دلوقت انا في احسن حالي وبعدت عند البنات تماما،واتعلمت الدرس، 

واتعلمت ان الدنيا سلف ودين، ودلوقتي ربنا  رزقني بولدين وبنت صالحين.عايشين في سلام وأمان...